"Nëse nuk ke shok - vdis vetë", "Shëndetësia partizane është armiku numër 1 i shëndetësisë", "Mjekët e komplikuar varrosin edhe të premteve", "Nuk kemi lot për të qarë për mëkatet tuaja", " Edhe sa fëmijë të shëndetshëm si Jana duhet të vdesin?!”, “Diploma e blerë i shërben popullit!” – këto janë vetëm disa nga parullat që shfaqen në sheshin “Magnolia” në Manastir.

Qytetarët me moton “Drejtësia për Janën – Jemi të gjithë Jana” dolën në një protestë paqësore për të shprehur revoltën e tyre për rastin e gjashtë vjeçarit. Jana Hristovska, e cila ka ndërruar jetë në spitalin e Manastirit një javë më parë. Familja akuzohet për gabime në trajtimin e vajzës, por Inspektorati Shtetëror Shëndetësor dhe Sanitar nuk konstatoi asnjë gabim mjekësor në këtë rast.

Ajo ka ndërruar jetë më 22 mars pasi kishte marrë infuzion në Spitalin klinik në Manastir. Sipas deklaratave të prindërve, sheqeri i saj më pas u rrit nga 9 në 19 njësi dhe situata u ndërlikua. Inspektorati Shtetëror Shëndetësor dhe Sanitar tha se nuk ka pasur lëshime në mjekim dhe vajza ka pasur probleme me zemrën.

Familja kërkon përgjegjësi mjekësore për vajzën 6-vjeçare: Vajza ime Jana vdiq pasi iu dha glukozë dhe sheqer dhe u rrit në 19