VIDEO | Ajvari në një tub si ketchup: Një produkt i goditur apo herezia e fundit ballkanike?

Foto: Podravka

Gjiganti kroat nga industria ushqimore, “Podravka”, ka bërë të ditur se është i pari në botë që ka lançuar paketimin e ajvarit në të ashtuquajturat. “shtrydh” ambalazhe plastike, të ngjashme me ato në të cilat jemi mësuar të blejmë ketchup, që do të zëvendësojë tërësisht kavanozët e qelqit për ambalazhimin e specialitetit ballkanik.

Projekti për paketimin e ri u bashkëfinancua nga BE dhe qeveria kroate, me kosto 5,5 milionë euro. Ai përfshin përfundimin e punimeve dhe investimet në modernizimin e fabrikës së përpunimit të fruta-perimeve, teknologji të reja dhe produkte të reja.

Në rrjetet sociale në të gjithë Ballkanin, lëvizja e kompanisë kroate u prit me tallje dhe habi, ndërsa “Podravka” thotë se ajvari i paketuar si ketchup tashmë po bëhej hit në treg.

“Me këtë investim kemi bërë të mundur rritjen e kapaciteteve për përpunimin e pemëve dhe perimeve, por vlera më e madhe e tij është linja që na mundëson një mënyrë krejtësisht inovative të paketimit të ajvarit dhe produkteve të tjera. Jemi krenarë që ekipi ynë i ekspertëve ka projektuar një ambalazh për ajvarin, i cili është i pari i këtij lloji në botë dhe tashmë po bëhet një hit i konsumatorëve. Modernizimi i objekteve prodhuese të Podravkës është në ritëm të plotë, gjë që do të na mundësojë të bëjmë risi shtesë dhe të forcojmë konkurrencën tonë në 70 vendet në të cilat eksportojmë produktet tona”, tha kryetarja e Bordit Menaxhues të Podravkës, Martina Dalić.

Video e ditës