Zëvendëskryeministrja e Ukrainës, Irina Vereshchuk, la të kuptohet sot se shpërthimet pranë bazës ushtarake ruse në Krime janë shkaktuar nga një sulm i ushtrisë ukrainase.

- Shpërthimet e sotme në Novofederivka janë një tjetër kujtesë se kujt i përket Krimea. I përket Ukrainës, ka shkruar Verepchuk në Telegram.

Më herët në rrjetet sociale u raportua se disa shpërthime të forta u dëgjuan nga drejtimi i bazës ushtarake ruse në Novofedorivka, që ndodhet në pjesën perëndimore të gadishullit ukrainas të aneksuar të Krimesë. Fshati Novofedorivka është rreth 200 kilometra nga fusha e betejës.

Sipas dëshmitarëve okularë, janë dëgjuar të paktën 12 shpërthime me intensitet të ndryshëm.

Ministria ruse e Mbrojtjes tha se municioni i avionit shpërtheu në aeroportin Saki, por se shkaku ende nuk është përcaktuar.