Kombëtarja e Argjentinës para fillimit të Botërorit konsiderohej si një nga favoritët më të mëdhenj të Botërorit në Katar, megjithatë “Gauochos” dështuan dhe u mposhtën nga Arabia Saudite në raundin e parë.

Vështirë se dikush e priste që seria prej 36 ndeshjesh të përfundonte kundër sauditëve. Me atë disfatë Argjentina e ka vënë veten në një pozitë të palakmueshme dhe nuk ka të drejtë të humbasë ndaj meksikanëve sonte.

Meksika luajti 0:0 kundër Polonisë në raundin e parë. ata kanë gjithmonë më të mirën në portë në turnetë e mëdhenj Guillermo Ochoа që mund të jetë problem për Messin dhe kompaninë. Argjentina duhet të fitojë, me barazim do të qëndrojë në lojë, por do të jetë në një situatë të vështirë edhe për turin e fundit ndaj Polonisë.

Prandaj ndeshja e sotme është padyshim një nga më të rëndësishmet në karrierë për Lionel Messin, i cili po luan Botërorin e fundit dhe për të ky është shansi i fundit me Argjentinën për të arritur titullin e botës që i mungon. Kujtojmë se “gauchos” mbërritën në Katar si kampionë aktualë të Amerikës së Jugut.