Kombëtarja A e Maqedonisë po përgatitet për ndeshjet e reja kualifikuese për Kampionatin Evropian 2024.

Më 16 qershor do të luajë kombëtarja e trajnerit Blagoja Milevski Ukrainë, dhe tre ditë më vonë në “Old Trafford” të Mançesterit e presin Anglia.

Milevski tashmë ka shpallur listën e lojtarëve të thirrur për ndeshjet e ardhshme, Bojan Miovski është i lënduar, ndërsa Darko Çurlinov është i shtruar në qendrën klinike në Beograd për shkak të komplikimeve shëndetësore.

Të dhënat e fundit thonë se përzgjedhja jonë ka mbetur pa opsion tjetër në sulm, në listën e të lënduarve është edhe ai Valyon Etemi, futbollisti i klubit turk Istanbulspor.

Për shkak të dëmtimit, Etemi nuk po arrin të vihet në dispozicion të Kombëtares A për takimin e ardhshëm dhe ndeshjet ndaj Ukrainës dhe Anglisë.

Mbetet për t'u parë nëse stafi stërvitor do të vendosë për një thirrje të mundshme shtesë. Milevski aktualisht ka në sulm Aleksandar Trajkovskin, Milan Ristovskin, Dorian Babunskin, Ilija Nestorovskin, Ljupçe Doriev dhe Stefan Ashkovskin.

Biletat për ndeshjen me Ukrainën me çmim prej 300 dhe 400 denarë