Parlamenti hungarez rizgjodhi Orbanin si kryeministër

Viktor Orban
Victor Orban / EPA-EFE / STEPHANIE LECOCQ

Ligjvënësit hungarezë rizgjodhën sot kreun e partisë Fidesz Viktor Orban, postin e kryeministrit, të cilin e mban që nga viti 2010, dhe për zgjedhjen e tij 133 deputetë votuan “pro”, ndërsa 27 ishin “kundër”, njoftoi agjencia MTI.

Pas votimit, Orban u betua menjëherë dhe mori detyrën.

Zyra e kryeministrit hungarez kishte thënë më parë se Orban kishte përfunduar negociatat për të formuar një qeveri të re në të cilën shumë ministra do të ruanin vendet e tyre.

Orban tha se ekzistonte një perspektivë e një "epoke recesioni" në Evropë pasi kontinenti po luftonte me rritjen e çmimeve të energjisë dhe inflacionin e lartë për shkak të luftës në Ukrainë.

Duke folur në parlament, ku u betua si kryeministër, Orban tha se Budapesti nuk do të bllokojë sanksionet e BE-së ndaj Rusisë për sulmin e saj ndaj Ukrainës për sa kohë që ato nuk përbëjnë rrezik për sigurinë energjetike të Hungarisë.

Kryeministri hungarez shtoi gjithashtu se qeveria do të punojë për të frenuar inflacionin në vend, duke ndërmarrë hapa të kujdesshëm për të rregulluar çmimet.

Video e ditës