Hungaria liroi 777 të huaj të dënuar për kontrabandë emigrantësh, kushton shumë të qëndrosh në burg
Në javët e fundit, Hungaria ka liruar 777 të huaj, kryesisht shtetas serbë, rumunë dhe ukrainas, të dënuar për trafikim njerëzor, thanë autoritetet.
Sipas tyre, pas hekurave ndodhen 2.636 persona të dënuar për trafik migrantësh, nga të cilët 808 janë shtetas të huaj që janë subjekt i lirimit.
"Mirëmbajtja e shtetasve të huaj që vuajnë dënimin në burgjet hungareze kushton miliarda forintë çdo vit," tha zyra e dënimit.
Nga aty shtojnë se të liruarit kanë 72 orë kohë për t'u larguar nga territori i Hungarisë që nga momenti i lirimit, në të kundërt nëse kapen nga policia hungareze do të kthehen në burg dhe do të kryejnë të gjithë dënimin.