UNFPA: Një e treta e grave në vendet në zhvillim bëhen nëna në moshën 19 vjeç ose më herët

Nëna dhe fëmijët në Bririn e Afrikës
Nëna dhe fëmijët në Bririn e Afrikës / Foto: EPA / DAI KUROKAWA

Pothuajse një e treta e grave që jetojnë në vendet në zhvillim bëhen nëna në moshë të re, në moshën 19 vjeç e lart, sipas një studimi të publikuar nga Agjencia e OKB-së për Popullsinë (UNFPA), e specializuar në shëndetin seksual dhe riprodhues.

Studimi tregon se gati gjysma e vajzave adoleshente lindin fëmijën e tyre të parë në moshën 17 vjeç ose më herët.

Duke marrë parasysh këto të dhëna, “duket qartë se vajzat janë të neglizhuara”, shpreh keqardhje drejtoresha e UNFPA-së, Natalia Kanem.

“Shtatzënitë që shohim tek nënat e reja janë një shenjë e qartë se ato kanë nevojë të dëshpëruar për informacion dhe shërbime për shëndetin seksual dhe riprodhues”, shtoi ajo.

Pothuajse tre të katërtat e vajzave që kanë fëmijën e tyre të parë në moshën 14 vjeç ose më herët kanë gjithashtu një fëmijë të dytë në moshë të hershme, dhe 40 për qind e atyre me dy fëmijë kanë një të tretën përpara se të largohen nga adoleshenca, tregon studimi.

Megjithatë, UNFPA thekson se vëren shenja inkurajuese të një rënie të shkallës së lindjeve të hershme në botë, por shkalla e rënies është shumë e ngadaltë, vlerëson agjencia.

“Qeveritë duhet të investojnë në kujdesin e vajzave adoleshente dhe t'u sigurojnë atyre kushte për formim profesional dhe siguri financiare, të cilat do të ndihmojnë në parandalimin e shtatzënive të hershme dhe të padëshiruara”, kërkoi Kanem.

“Kur vajzat mund të vendosin më shumë për rrugën e tyre të jetës, mëmësia në moshë të re do të jetë gjithnjë e më pak”, përfundon ajo.

Video e ditës