Balerina ukrainase mbron atdheun me armë në dorë: Arti ka një rol të veçantë në këtë luftë

Lesya Vorotniuk
Lesya Vorotnyuk / Foto: Printscreen/Instagram

Balerina e Operës Kombëtare të Kievit, Lesya Vorotniuk, pas pushtimit rus të Ukrainë, ajo vendosi të mbronte atdheun e saj me armë në dorë.

Lesya e ka ditur prej kohësh se si duket lufta. Burri i saj u vra tre vjet më parë në Ukrainën lindore, por pavarësisht përvojës së keqe, ajo udhëtoi në front për të ndihmuar në mbrojtjen e vendit, shkruan “The Economist”.

Në fund të shkurtit, ajo filloi të ndihmojë në evakuimin e civilëve dhe më vonë iu bashkua njësisë së mbrojtjes territoriale në Kiev.

“Arti ka një rol të veçantë në këtë luftë. “Carët rusë dhe sundimtarët sovjetikë me shkallë të ndryshme egërsie shtypën kulturën ukrainase për shekuj duke persekutuar artistët ukrainas, duke u tallur me aspiratat e tyre kombëtare dhe duke shtypur gjuhën e tyre”, tha Lesya.

Në Perëndim, debati për bojkotin e kulturës ruse dhe artistëve që mbështesin Kremlinin është ende në vazhdim.

“Të huajt nuk e kuptojnë plotësisht pozicionin tonë, sepse baleti është gjithmonë i lidhur me Rusinë. Por njerëzit në Mariupolin e pushtuar refuzuan të marrin ushqim dhe ndihmë humanitare nga rusët, ata zgjodhën urinë. Nuk është e drejtë që baleti të performojë vepra ruse ndërkohë që po vuajnë”, tha Vorotniuk.

E ndërsa më herët publikonte foto nga performancat e tij, tashmë në rrjetet sociale dominojnë shkrepjet nga vija e parë. Ajo i kushtoi një postim rajonit të Donetsk.

“Kjo zonë po përjeton luftë që nga viti 2014. Që atëherë janë zhvilluar beteja të ashpra për këto toka të pabesueshme... Aty jetojnë njerëz të pabesueshëm që meritojnë një jetë të lirë dhe të qetë. Kam dëgjuar shumë histori atje. Tregime për luftën. Ishte kur gjysma e vendit tonë as që ishte në dijeni se po bëhej një luftë në territorin ukrainas”, ka shkruar ajo ndër të tjera në një nga postimet e saj të fundit.

Video e ditës