Ushtria ukrainase përgënjeshtroi sot lajmin e publikuar nga NBC News se kishte filluar një kundërofensivë kundër forcave ruse.

“Nuk kemi një informacion të tillë. Dhe ne nuk komentojmë burime anonime”, tha zëdhënësi i Shtabit të Përgjithshëm të Forcave të Armatosura të Ukrainës për mediat britanike.

Më herët, NBC News, duke cituar një oficer dhe ushtar të lartë të paidentifikuar pranë vijës së frontit, raportoi se ushtria ukrainase kishte nisur një kundërofensivë të shumëpritur.

Pas disa muajsh përparim në fushatën ushtarake ukrainase, e cila mund të rezultojë vendimtare në synimet e Kievit për të rifituar territorin e pushtuar, një valë e re sulmesh synon linjat e frontit juglindor, raportoi NBC News.

Qeveria ukrainase ka thënë deri më tani se nuk do të ketë njoftim publik për fillimin e ofensivës dhe një zëdhënës i ushtrisë ukrainase ka refuzuar të komentojë mbi operacionet ushtarake në vazhdim.