Mbrojtja ajrore ukrainase shkatërroi 30 drone Shahed në pjesën jugore të vendit mbrëmë, njoftoi Ukrinform, duke iu referuar një njoftimi të Komandës Jugore të Ukrainës.

"Tridhjetë dronë sulmues u shkatërruan në zonën tonë të përgjegjësisë nga forcat e mbrojtjes ajrore: 20 në rajonin Vinnytsia, gjashtë në rajonin e Odesa, katër në rajonin e Mykolaiv," tha komanda në një deklaratë.

Pas sulmit, një zjarr i fortë shpërtheu në një lokacion të infrastrukturës në Kalinovka. Autoritetet në rajonin ukrainas të Vinnytsia urdhëruan një evakuim të pjesshëm të qytetit herët në mëngjes.

“Për momentin nuk ka nevojë për evakuim të përgjithshëm, përveç në afërsi të zonës së prekur”, tha kryetari i bashkisë së Kalinivka, Vasil Polishchuk.

Me qëllim të mbrojtjes së popullatës civile nga përhapja e zjarrit, autoritetet lokale morën menjëherë masat përgatitore për evakuim. Por meqenëse zjarri ishte nën kontroll, evakuimi ishte i panevojshëm, shtuan autoritetet.

Nuk ka raportime për viktima dhe asnjë detaj se cili objektiv është goditur apo me cilën armë, raportojnë mediat britanike.

Guvernatori rajonal Serhii Borzov tha vetëm se ishte goditur një "lokal i paspecifikuar infrastrukture", një term që autoritetet ukrainase përdorin ndonjëherë për objektet që prodhojnë energji elektrike ose për sulme ndaj objekteve të tjera të rëndësishme.