Ukraina parandaloi vrasjet e komandantëve kryesorë

Flamuri i Ukrainës / Foto: EPA-EFE / ZURAB KURTSIKIDZE

Agjentët rusë u premtuan dy të arrestuarve 150.000 dollarë secili për të vrarë tre persona - ministrin e mbrojtjes, shefin e inteligjencës dhe një aktivist të shquar.

Shërbimi i sigurisë i Ukrainës ka arrestuar dy persona, nga Luhansk dhe nga Kievi, për të cilët pretendon se kanë punuar për shërbimet sekrete ruse për të vrarë ministrin e mbrojtjes të Ukrainës dhe kreun e agjencisë së inteligjencës ushtarake.

SBU tha se një përpjekje e shërbimit të inteligjencës ushtarake ruse GRU për të përdorur një grup sabotazhi për të kryer tre vrasje u pengua. Agjentët rusë u premtuan dy të arrestuarve 150.000 mijë dollarë secili për vrasjen e tre personave – ministrit, kreut të inteligjencës dhe një aktivisti të shquar.

Agjencia SBU po kalon një periudhë kritike pasi disa javë më parë Presidenti Volodymyr Zelensky shkarkoi kreun e saj për shkak të "dhjetëra rasteve të bashkëpunimit të zyrtarëve ukrainas me agjentë nga Rusia".

Sekretari amerikan i Shtetit Anthony Blinken tha se "Rusia nuk mund të lejohet të ngacmojë Ukrainën".

- Nëse lejojmë një vend të madh të ngacmojë një vend më të vogël, ta sulmojë dhe të marrë territorin e tij, atëherë do të jetë "sezoni i hapur", jo vetëm në Evropë, por në të gjithë botën - tha Blinken gjatë vizitës së tij në Afrikën e Jugut.

Administrata e presidentit Joe Biden ka njoftuar se do të dërgojë një paketë tjetër ndihme ushtarake prej 1 miliard dollarësh në Ukrainë. Kjo është dërgesa më e madhe e armëve në Ukrainë nga rezervat amerikane. Paketa përfshin municion shtesë për sistemet e raketave të tipit HIMARS, si dhe municione artilerie, sisteme mortajash, raketahedhëse antitank dhe 50 transportues dhe pajisje të blinduara M113. Me këtë, vlera totale e ndihmës ushtarake amerikane për Ukrainën do të jetë rreth 9 miliardë dollarë.

Video e ditës