Ukraina akuzoi Rusinë për një sulm të ri ndaj civilëve pranë Kharkiv
Guvernatori i rajonit të Kharkiv, Oleh Sinjehubov, tha se forcat ruse bombarduan sot një kolonë evakuimi civilësh në verilindje të vendit, duke vrarë 20 persona.
Bombardimet janë intensifikuar që kur Moska aneksoi ilegalisht një pjesë të territorit ukrainas në luftën tetë mujore.
Sinjehubov tha se kolona u granatua në zonën Kupiansi, duke e quajtur sulmin ndaj njerëzve që përpiqeshin të largoheshin nga zona "mizori që nuk mund të justifikohet".
Forcat ruse as nuk e pranuan dhe as nuk e komentuan sulmin, i dyti në dy ditë që goditi një autokolonë humanitare.
Pas kundërofensive ukrainase të muajit të kaluar, trupat ruse u tërhoqën nga pjesa më e madhe e rajonit të Kharkiv, por vazhduan të bombardojnë zonën.