Turqia: Asnjë pranim për Suedinë dhe Finlandën në NATO derisa të përmbushin detyrimet e tyre
Turqia nuk do të mbështesë pranimin e Suedisë dhe Finlandës në NATO derisa këto vende të përmbushin detyrimet e tyre në lidhje me luftën kundër terrorizmit, tha ministri turk i Drejtësisë Bekir Bozdak.
“Është e gabuar të presësh një vendim pozitiv nga Turqia në lidhje me mbështetjen për anëtarësimin e vendeve nordike, derisa ata ta mbajnë fjalën”, tha Bozdak për mediat turke.
Sipas tij, Ankaraja nuk ka marrë ende asnjë përgjigje nga Suedia dhe Finlanda për kërkesën e Turqisë për ekstradimin e personave të përfshirë në aktivitete terroriste.
Turqia më herët tha se memorandumi që nënshkroi me Suedinë dhe Finlandën në margjinat e samitit të NATO-s në Madrid nuk ishte përfundimtar dhe se parlamenti turk mund të mos e ratifikojë anëtarësimin e tyre nëse Stokholmi dhe Helsinki nuk përmbushin angazhimet e tyre në luftën kundër terrorizmit.