Tuchel në “klinç” me Conten: Jemi trajnerë emocionalë

Në kulm, menaxherët e Tottenham dhe Chelsea/Printscreen/Twitter

Lojtarët e Chelsea dhe Tottenham barazuan 2:2 në xhiron e dytë të Premierligës dhe ndeshja në Stamford Bridge u shënua nga një përplasje mes drejtuesve të të dyja skuadrave, Thomas Tuchel dhe Antonio Conte.

“Përballja e parë nga afër” Tuchel dhe Conte e patën kur italiani u përball me gjermanin gjatë golit të parë të Tottenhamit dhe konflikti vazhdoi pas përfundimit të lojës.


Gjatë përshëndetjes pas përfundimit të lojës, Tuchel i ka dhënë dorën Contes duke dashur t'i shpjegojë diçka, por fatmirësisht personat e të dyja skuadrave kanë reaguar menjëherë dhe kanë parandaluar një incident më të rëndë.
Pas ndeshjes, Tuchel dha versionin e tij të ngjarjeve.

– Kur shtrëngoni duart, mendova se duhet të shikojmë njëri-tjetrin në sy. Natyrisht ne kishim mendime të ndryshme për të, prandaj ishte kaq emocionuese. Ai ishte i lumtur kur Tottenham barazoi dhe gjithçka mori një dimension më të madh. Kjo është Premier League, dhe ne jemi trajnerë emocionalë – tha Tuchel.

Për “përballjen e ngushtë” pas përfundimit të ndeshjes, Conte dhe Tuchel morën kartonë të kuq.

– Kartonët e kuq? Nuk ishte e nevojshme, por shumë gjëra ishin të çuditshme. Një tjetër vendim i keq i arbitrave në dëmin tonë.

Video e ditës