Tre të arrestuar në tentativë për të shitur tre kilogramë marijuanë në Dojran
Prokuroria Themelore Publike në Gjevgjeli ka lëshuar urdhër për zhvillimin e procedurës hetimore ndaj tre personave të dyshuar për shitje droge.
Rekomanduar
Sipas njoftimit të Prokurorisë, dy nga të dyshuarit janë banorë të fshatit Stojakovë, ndërsa i treti nga Vallandova.
Përkatësisht, të dyshuarit kanë marrë pjesë dhe kanë ndërmjetësuar në shitjen e përafërsisht pesë kilogramë marijuanë, të cilën e ka blerë i dyshuari i parë. Tre kilogramë drogë synohej t'i shitej një blerësi nga Greqia për shumën 9.000 euro.
Në tentativë për të shitur drogën në një lokacion në Dojran, ata janë kapur nga policia, pas së cilës dy nga të dyshuarit janë arrestuar në vend, ndërsa i treti është arratisur, por shumë shpejt është arrestuar edhe ai.
Gjithashtu, në zonën e Bogdancit është gjetur edhe droga e mbetur, e cila ishte e destinuar edhe për shitje.
– Me arsyetimin se të dyshuarit mund të ikin, të pengojnë hetimin duke ndikuar tek dëshmitarët apo bashkëpunëtorët, të fshehin apo asgjësojnë gjurmët e veprës penale, por edhe se do ta përsërisin veprën për të cilën ndiqen, prokurori publik ka paraqitur propozim në Gjykatë për caktimin e masës së paraburgimit për të tre të dyshuarit – njofton Prokuroria.
