
Tre gjyqtarë të avancuar në Apelin e Manastirit
Tre gjyqtarë, një në fushën penale dhe dy në atë civile, u zgjodhën nga anëtarët e Këshillit Gjyqësor për Gjykatën e Apelit Manastir, por në vend të gjyqtarit të renditur të tretë, mbështetje mori gjyqtari i radhës pas tij. Biljana Belevska Projkovska u gradua gjyqtare në fushën penale, ndërsa Risto Sotirov, Dejan Krstanov dhe Aleksandar Ilievski gjyqtarë në fushën civile. Për konkursin për përzgjedhjen e këtyre gjyqtarëve është formuar Komisioni për Rangim me kryetare Antoineta Dimovska.
Rekomanduar
-
1
-
2
-
3
Belevska Projkovska ka marrë 13 vota (e renditur e para, me gati 20 vjet përvojë pune, 14 prej të cilave ka punuar në lëndë penale në Gjykatën Themelore të Ohrit). Dimovska theksoi se në përputhje me ranglistën e hartuar nga Komisioni për gjyqtar nga fusha penale, kanë aplikuar pesë kandidatë, por gjatë procedurës gjyqtarja Violeta Krstinoska nga Resnja e ka tërhequr kërkesën.
Lidhur me përzgjedhjen e tre gjyqtarëve për Apelin Civil të Qarkut Manastir, Dimovska tha se janë regjistruar pesë kandidatë. I pari në listë është gjyqtari Risto Sotirov, i dyti - Dejan Krstanov, i treti - Kiril Jovanovski, i katërti - Aleksandar Ilievski, të gjithë nga Gjykata Themelore e Manastirit dhe e pesta - Jasmina Shiškovska-Stojkovic, gjyqtare dhe kryetare aktuale e Gjykatës Themelore të Prilepit. Dimovska theksoi se Shiškovska-Stojkovic është e pesta për shkak se nuk ka çertifikatë të gjuhës angleze, ndonëse ka përvojën më të gjatë në sferën qytetare dhe ka pikë maksimale sa i përket shprehjes me gojë dhe vendimeve me shkrim.
Anëtarët e Këshillit Gjyqësor kanë bërë të ditur se do të punojnë në përsosjen e rregullave për pikëzim, sipas të cilave formohet ranglista e kandidatëve dhe se certifikata e gjuhës angleze si kriter duhet të jetë në rëndësi dytësore. Renditja për këto zgjedhje është bërë sipas metodologjisë së vjetër dhe nga zgjedhjet e ardhshme do të zbatohen rregullat e reja.
Gjyqtarja Danka Ristova, anëtare e re e Këshillit Gjyqësor, e cila është bashkëshortja e kryetarit të Radovishit nga radhët e VMRO-DPMNE-së, tha se është dashur të punohet në hartimin e rregullores. Për të është e palogjikshme të mos votosh për dikë që është më lart në renditje, por të votosh atë që është pas tij.
– Sa i përket mënyrës së pikëzimit dhe renditjes, shumica e kolegëve shprehën mendimin se nuk është mirë. Janë bërë disa ndryshime përsa i përket marrjes së pikëve për gjuhën. Duke pasur parasysh këtë, është e pamohueshme që të gjithë kandidatët janë shumë të afërt në pikë, mendoj se nuk është shkelje e parimit nëse bëhet një ndërrim me një vend. Ne nuk zgjedhim të 20-tin në listë, por atë të radhës, për këtë arsye më lehtë e kam marrë vendimin për kandidatin e radhës - tha kryetari i Këshillit Gjyqësor, Aleksandar Kambovski.
Kjo është seanca e parë e udhëhequr nga kryetari i sapozgjedhur i Këshillit, gjyqtari Kambovski.