Ish-presidenti amerikan Donald Trump dhe firma e tij familjare janë shpallur fajtorë për mashtrim në një padi civile të ngritur nga Prokurorja e Përgjithshme Letitia James, e cila e akuzoi atë për pretendime të paligjshme për pasuri më të mëdha dhe vlerë neto.

Vendimi u mor nga gjyqtari Arthur Engoron i gjykatës shtetërore të Nju Jorkut në Manhattan, raportoi Zëri i Amerikës.

James e paditi Trumpin në shtator 2022, duke e akuzuar atë dhe firmën se kanë gënjyer për një dekadë për vlerën e aseteve të tyre dhe vlerën neto të presidentit të 45-të të SHBA-së, në mënyrë që të marrin kushte më të mira për kreditë bankare dhe sigurimet.

Ajo tha se Trump e rriti pasurinë e tij neto deri në 2,23 miliardë dollarë dhe me një masë deri në 3,6 miliardë dollarë, në pasqyrat financiare vjetore të ofruara për bankat dhe kompanitë e sigurimeve.

Prokurori i Përgjithshëm tha se pasuritë "të fryra" përfshinin pronën e Trump në Mar-a-Lago në Florida, apartamentin e tij në Manhattan dhe ndërtesa të ndryshme zyrash dhe fusha golfi.