Muzikanti i njohur kroat Tonci Huljiq është i ftuari i parë në emisionin e ri muzikor “Nota bene” në TV Laudato, një televizion familjar kroat me vlera të krishtera. Ndër të tjera Huljic flet për arsyet pse nuk performon më live, për fëmijërinë e tij dhe për fenë.

“Unë jam kompozitor. Gjeneratat e reja nuk e dinë këtë, por jam i lumtur që gjeneratat e reja më duan. Në rrugë më njohin me 'Ene shko, këngëtarja...'. Kjo është arsyeja pse vendosa të mos performoj live. Jam duke punuar për ‘Madre Badesa’, është diçka që e drejtoi karrierën time në ujëra më serioze dhe zbuloi mua të vërtetë”, ka shpjeguar ai.

Për fëmijërinë, edukimin dhe rrugën muzikore, kompozitori thotë se “njeriu duhet të lindë me inteligjencë sociale”.

“Për të arritur inteligjencën sociale, duhet të kesh një edukim më të gjerë se sa ofron arsimi i sotëm. Fillon me edukimin në shtëpi dhe me disa shkolla të tjera paralelisht. Kur isha gjimnazist, kam shkuar në tre shkolla në të njëjtën kohë, kujton Huljic, i cili beson se sot nuk ka shumë njerëz mbi 60 vjeç që janë ende aktualë dhe shkruajnë këngë dhe tashmë jetojnë me lavdinë e tyre të vjetër. Sipas tij, është e paimagjinueshme.

Huljic flet hapur edhe për fenë dhe faktin se gjatë pandemisë ai krijoi të parën pop mesë në botë - "Pop Misa Mediterrane".

“Çfarëdo që të bëj në jetë, pyes veten nëse Jezusi do të bënte të njëjtën gjë. “Besimi është heqje dorë dhe duhet të vendosësh për këtë”, thotë kompozitori.