Ish-kryetari i Komunës Qendër, Vladimir Todoroviq, i cili ishte në arrest shtëpiak për shkak të përfshirjes në rastin “Phoenix” pas ndryshimeve në Kodin Penal, gjykata e hoqi këtë kufizim dhe ai tashmë është plotësisht i lirë, transmeton “Prizma”.

Biznesmeni maqedonas, i cili është themelues i zinxhirit të marketeve “Tinex”, është arrestuar në qershor, për shkak të dyshimit se gjatë kohës sa ishte kryetar komune ka keqpërdorur pozitën dhe autoritetin zyrtar për projektin “Shkupi 2014” në një rast të hapur nga Prokuroria Publike.

Disa nga të arrestuarit kanë përfunduar në paraburgim, ndërsa për Todoroviqin më pas është vendosur që të mbetet në arrest shtëpiak. Sipas propozimit të prokurorit, Todoroviq nuk është më në arrest shtëpiak që nga e premtja e kaluar.

Veprimet e kryera nga Todoroviq datojnë në vitin 2013, kështu që në vend të vitit 2043, krimi parashkruhet plotësisht këtë vit, sipas ndryshimeve të fundit në kodin penal që hynë në fuqi më 15 shtator.

Nëse hetimi ndërpritet, Todoroviq mund t'i kërkojë gjykatës t'i paguajë dëmshpërblim për qëndrimin në arrest shtëpiak për dy muaj e gjysmë.