Adoleshenti Melo: U habita që një klub i madh si Vardari donte të më sillte
Pasi ishte n. në mediat portugeze djeu bë e ditur transferimi i hendbollistit të ri Nilton Melo, me një deklaratë ka dalë vetë hendbollisti, i cili ka pranuar se është befasuar me ofertën e Vardarit.
Oferta e Vardarit për adoleshentin erdhi pasi ai shqyrtoi opsionet se ku do ta vazhdonte më mirë karrierën e tij, pasi e kaloi sezonin e kaluar duke luajtur për Vitoria Setúbal si huazim nga Sporting.
Melo nuk u mendua shumë kur erdhi oferta nga klubi maqedonas.
“Së bashku me kolegët e mi, ne po kërkonim një klub ku mund të përparoja si profesionist. Kanë ardhur disa oferta nga Spanja, por kur erdhi oferta nga Vardari, nuk munda ta refuzoja. Si adoleshent isha i befasuar që një klub me histori dhe traditë të tillë donte të më sillte. Të tilla gjëra më japin motiv që të punoj edhe më shumë për t’u bërë sa më i mirë”, tha Melo.
Vardari u përforcua para Melos me Stefan Petriqin nga Partizani dhe Marko Srdanoviç nga Metaloplastika. Kuqezinjtë do të aktivizohen këtë verë për të mos i lejuar vetes një sezon si ky në të cilin përfunduan në pozitën e tretë të kampionatit.