Një adoleshente (16) nga Australia ka vdekur pasi është sulmuar nga një peshkaqen në një lumë. Sipas CNN, vajza është sulmuar teksa po notonte në lumin Swan. Sipas policisë, ajo u hodh në ujë për të notuar me delfinët që ndodheshin aty pranë. Policia e ka nxjerrë nga lumi dhe ka tentuar t'i shpëtojë jetën, por ajo ka ndërruar jetë në vendngjarje.

Nuk dihet se çfarë lloj peshkaqeni e ka sulmuar vajzën, por mediat lokale raportojnë se mund të ketë qenë një peshkaqen dem, i cili normalisht jeton në shumicën e lumenjve përreth Australisë. Ky lloj peshkaqeni mund të jetojë edhe në ujëra të freskëta, kështu që shpesh hyn në lumenj.

“Gryka e lumit Swan është habitat i mirë për peshkaqenë dhe kjo do të thotë se njerëzit mund të vijnë në kontakt të ngushtë me ta. “Fatkeqësisht, disa takime përfundojnë keq dhe në këtë rast me një përfundim tragjik”, thotë Andrew Chin nga Universiteti James Cook.