Trupat e tre fëmijëve dhe një gruaje, që besohet të jetë nëna e tyre, u gjetën në një liqen në shtetin amerikan të Minesotës.

Mediat amerikane kujtojnë se dje u raportua fillimisht se në liqen u gjetën trupat e dy prej tre fëmijëve, të cilët u zhdukën së bashku me nënën e tyre një ditë më parë.

Autoritetet besojnë se fëmijët janë mbytur qëllimisht, raportojnë mediat amerikane.

Asnjë nga viktimat dhe ata që janë në kërkim nuk është bërë i ditur ende.

Babai i fëmijëve u gjet i vdekur në një rimorkio në qytetin Maplewood, afër Minneapolis dhe policia përcaktoi se nëna e tyre mungonte bashkë me fëmijët.

"Nuk ka asgjë më tragjike se humbja e fëmijëve të vegjël," tha sherifi i kontesë Ramsey Bob Fletcher në një konferencë për shtyp, duke shtuar se ka të ngjarë të ishte një vrasje e shumëfishtë.