Gjithsej 47 persona të lënduar nga zjarri në Koçan do të shtrohen jashtë vendit, ka njoftuar ministri i Shëndetësisë Arben Taravari.

Taravari ka konfirmuar se nesër në Maqedoni do të mbërrijnë specialistë të djegieve nga Izraeli, Beogradi dhe Praga, të cilët do të ndihmojnë ekipet mjekësore vendase.

– Disa pacientë kanë nevojë për mbështetje me oksigjen, por në përgjithësi të gjithë janë në gjendje stabile dhe jashtë rrezikut. Por këto situata nuk janë të parashikueshme. Për momentin themi se është stabil, edhe pse ka mundësi të ketë edemë dhe komplikime të tjera - theksoi Taravari.