Talin: Rusia nuk është dobësuar seriozisht nga lufta në Ukrainë
Ministri estonez i Mbrojtjes Hanno Pevkur tha se nuk mendon se Rusia është dobësuar seriozisht nga lufta në Ukrainë, raporton DPA.
“Ne duhet të jemi të sinqertë dhe të themi qartë se Marina Ruse dhe Forcat Ajrore Ruse janë po aq të mëdha sa ishin para luftës”, tha Pevkur për DPA gjatë vizitës së tij në Berlin.
Edhe pse forcat tokësore ruse kanë humbur shumë njerëz, ata herët a vonë do të rifitojnë numrin e tyre nga para 24 shkurtit, vuri në dukje ministri estonez.
Përveç kësaj, Rusia do të mësojë nga përvoja e saj në Ukrainë.
“Nuk ka arsye të mendohet se kërcënimi nga Rusia është zvogëluar”, ka theksuar Pevkur.
Estonia planifikon të shpenzojë 2,84 për qind të prodhimit të saj të brendshëm bruto për mbrojtjen vitin e ardhshëm dhe 3,2 për qind të PBB-së së saj në vitin 2024, tha ministri.
