Këshilli Gjyqësor i Republikës së Maqedonisë së Veriut më 5 dhjetor, ditën e hënë, do të mbajë seancë për zgjedhjen e presidentit të ri. Këshilli Gjyqësor sot duhej të mbante seancat e 420-të dhe të 421-të, por fillimisht Pavlina Cërvenkovski ka paraqitur dorëheqje të parevokueshme nga pozita e kryetares së Këshillit Gjyqësor.

Këshilli Gjyqësor njofton se dy seancat e sotme janë shtyrë dhe do të njoftojnë shtesë për datën e mbajtjes së tyre dhe se të hënën më 5 dhjetor është caktuar seanca e Këshillit Gjyqësor me dy pika të rendit të ditës, ndër të cilat konstatimi ndërprerja e mandatit të Kryetarit të Këshillit Gjyqësor dhe zgjedhja e kryetarit të Këshillit Gjyqësor të RSM-së.

Cërvenkovski në pozitën e kryetares së Këshillit Gjyqësor është zgjedhur më 28 prill 2021, në pajtim me Ligjin e ri për Këshillin Gjyqësor, sipas të cilit zgjedhjen e bëjnë anëtarët e këshillit me të drejtë vote të cilët zgjidhen. nga Kuvendi, me mandat dy vjeçar, pa të drejtë rizgjedhjeje. Ajo u zgjodh anëtare e Këshillit Gjyqësor nga Kuvendi në dhjetor të vitit 2020.

Këshilli Gjyqësor përbëhet nga 15 anëtarë, tetë prej të cilëve zgjidhen nga gjyqtarët, tre zgjidhen nga Kuvendi dhe dy anëtarë, me propozimin e Presidentit të vendit. Anëtarët pa të drejtë vote përfshijnë Kryetarin e Gjykatës Supreme dhe Ministrin e Drejtësisë. Ata zgjidhen për një mandat prej gjashtë vjetësh, me të drejtën e një rizgjedhjeje tjetër.