Këshilli Gjyqësor shpreh shqetësim serioz lidhur me njoftimin aktual të Departamentit Amerikan të Shtetit për vendosjen e një gjyqtari në “listën e zezë”.

- Theksojmë angazhimin tonë për t'u përballur me çdo formë korrupsioni në sistemin e drejtësisë në përputhje me ligjin dhe standardet etike. Në këtë drejtim, Këshilli Gjyqësor tashmë po merr masa në përputhje me kompetencat e tij të përcaktuara në Ligjin për gjykata dhe Ligjin për Këshillin Gjyqësor të Republikës së Maqedonisë së Veriut - thuhet në njoftimin e Këshillit Gjyqësor.

Departamenti Amerikan i Shtetit njoftoi pardje se po vendos sanksione ndaj ish-zëvendëskryeministrit të Qeverisë së Maqedonisë së Veriut, Artan Grubi dhe gjyqtarit të Gjykatës së Apelit, Enver Bejeti, për shkak të përfshirjes së tyre në korrupsion të konsiderueshëm.

Shoqata e Gjyqtarëve për Bejettin: Goditje e rëndë për nderin dhe reputacionin e gjyqtarit të futur në “listën e zezë”

Sipas deklaratës, Grubi dhe Bejeti kanë pranuar ryshfet për të minuar procedurën gjyqësore lidhur me dënimin penal të Sasho Mijalkovit, ish-drejtor i Administratës së Sigurisë dhe Kundërzbulimit (UBK). Mijalkov u sanksionua në vitin 2022 për korrupsion të konsiderueshëm sipas nenit 7031(c) të Aktit të Operacioneve të Jashtme dhe Programeve të Lidhura të Departamentit të Shtetit. Krahas sanksioneve ndaj Gruby-t dhe Bejetti-t, janë vendosur edhe ndalime të hyrjes për familjarët e tyre.