Që nga ndeshja mes Osasunas dhe Real Madridit që u luajt gjatë fundjavës, arbitri ka qenë në qendër të vëmendjes. Jose Luis Munuera Montera.

Arbitri në këtë ndeshje i tregoi karton të kuq Jude Bellingham për shkak të një kundërshtimi dhe kështu shkaktoi zemërimin e tifozëve të Real Madridit. Montera gjithashtu duhej të fikte komentet në rrjetet sociale ku merrte kërcënime për jetën.

Fansat u zemëruan veçanërisht nga informacioni se ai është bashkëpronar i kompanisë “Talentus Sports Sepakers”, e cila ofron shërbime konsulence në fushën e sportit dhe punon me disa organizata sportive. Për shkak të gjithë kësaj, La Liga ka hapur një hetim kundër tij për shkak të dyshimit për një konflikt të mundshëm interesi.

Montero tani ka dalë publikisht dhe ka pranuar se nuk është larguar nga shtëpia e tij këto ditë për shkak të kërcënimeve dhe sulmeve.

“Kam ngecur gjithë ditën në shtëpi, është shumë e vështirë”. E gjithë situata po bëhet e tepërt për familjen time, veçanërisht për babain tim 80-vjeçar. Prindërit e mi janë të moshuar dhe nuk e meritojnë diçka të tillë. Gjërat po dalin jashtë kontrollit, çfarë është kjo çmenduri? A është ky lloji i futbollit që ne po krijojmë? Unë po bëj gjithçka që mundem për të mbrojtur familjen time, por është e vështirë, nuk po ia dalim. Nuk do të komentoj gjykimin, do të them vetëm se njerëzit nuk duhet të besojnë gjithçka që lexojnë. Edhe ne arbitrat jemi pjesë e futbollit si trajnerët dhe lojtarët, meritojmë respekt. Ne jemi njerëz dhe të gjithë bëjmë gabime dhe kështu do të jetë derisa të gjendet një robot pa të meta. “VAR-i, i cili u prezantua nga klubet, jo nga ne, është gjithashtu i gabuar”, tha Montero.