Qeveria ushtarake e Sudanit ka refuzuar thirrjen e Kombeve të Bashkuara (OKB) për të vendosur forca ndërkombëtare për të mbrojtur civilët nga lufta civile në vend.

Palët ndërluftuese të Sudanit kanë kryer shkelje "të dhimbshme" të të drejtave të njeriut kundër civilëve, ka thënë OKB.

Disa mijëra njerëz janë vrarë dhe gati tetë milionë janë zhvendosur që nga shpërthimi i konfliktit midis ushtrisë dhe Forcës së Mbështetjes së Shpejtë paraushtarake (RSF) në prill 2023.

Të dy palët organizuan një grusht shteti së bashku, por më pas u ndanë, duke shkaktuar një luftë civile në vend.

- Meqenëse palët ndërluftuese nuk kanë arritur të kursejnë civilët, është e domosdoshme që një forcë e pavarur dhe e paanshme me mandat për të mbrojtur civilët të vendoset pa vonesë, tha kreu i misionit faktmbledhës të OKB-së, Chande Othman.

Misioni bëri thirrje gjithashtu për një embargo armësh nga të dyja palët e përfshira në konflikt.

Ai paraqiti gjetjet e tij pasi mori dëshmi të dorës së parë nga 182 të mbijetuar, anëtarët e familjeve të tyre dhe dëshmitarët okularë.

Emiratet e Bashkuara Arabe janë kritikuar për mbështetjen e RSF-së me para dhe armë, gjë që e mohon, ndërsa Arabia Saudite shihet se ka lidhje të ngushta me qeverinë sudaneze.

Ministria e Jashtme e Sudanit tha se qeveria kishte refuzuar "tërësisht" rekomandimet e misionit faktmbledhës.

Ata e përshkruan Këshillin e OKB-së për të Drejtat e Njeriut si një "organ politik dhe jolegjitim" dhe thanë se rekomandimet e misionit ishin një "shkelje flagrante e mandatit të tij".

RSF nuk ka komentuar ende mbi propozimin.