Kompania shtetërore e energjisë elektrike e Ukrainës Ukrenergo ka njoftuar se po vendos kufizime të reja të energjisë elektrike për shkak të motit të ftohtë.

“Për shkak të ftohjes janë të nevojshme reduktime të reja të konsumit të energjisë elektrike. Përkatësisht, për shkak të motit më të ftohtë rritet konsumi i energjisë elektrike, gjë që çon në rritje të ngarkesës në pajisje dhe mungesë të energjisë elektrike në sistem”, njoftoi Ukrenergo në një komunikatë për media. .

Ndërprerjet e energjisë elektrike, të cilat janë bërë më të shpeshta pas sulmeve të forta me raketa ruse në infrastrukturën energjetike të Ukrainës, janë njoftuar për rajonet e Kievit, Chernihiv, Zhytomyr, Sumy, Kharkiv dhe Poltava, si dhe për kryeqytetin e Kievit.

“Riparimet vazhdojnë gjatë gjithë kohës. Ju lutemi mos harroni të përdorni energjinë elektrike me masë. Kjo do të na mundësojë që të kemi reduktime më pak të shpeshta, por edhe inxhinierët tanë të fokusohen në riparimin e objekteve të dëmtuara, nga të cilat varet furnizimi me energji elektrike i rajoneve të tëra”, njoftoi Ukrenergo.