Nxënësit që kanë biletë vjetore për shfrytëzim falas të transportit publik kanë të drejtë të lëvizin në autobus deri në fund të muajit shkurt dhe me biletë të zgjatur/të paverifikuar për vitin aktual, thonë nga Ndërmarrja Publike e Transportit “Shkup”.

- JSP Shkup në këtë rast ka përmbushur kërkesën e Kuvendit Studentor Universitar në UKIM, i cili së fundi ka kërkuar vazhdimin e afatit për vazhdimin e vlefshmërisë së biletës studentore, duke pasur parasysh situatën aktuale me Covid-19, e cila, siç thuhet, në fakulteteve u shkakton vështirësi në organizimin dhe shpërndarjen e dokumentacionit të nevojshëm për zgjatjen e vlefshmërisë së biletës, njofton JSP.

Në rast të kontrollit gjatë përdorimit të transportit publik, studentët janë të obliguar të dorëzojnë "Skopska" me të cilën do të vërtetohet se i plotësojnë kushtet për shfrytëzimin e biletës vjetore studentore, e cila nuk vazhdohet, por kontrollorët nuk guxojnë të lëshojnë kallëzim/gjobë.

Por nga data 1 mars, thuhet në njoftimin e JSP-së, çdo student që plotëson kushtet për këtë lloj bilete, dhe nuk ka verifikuar/vazhduar, do të gjobitet gjatë kontrollit nëse nuk ka një lloj tjetër bilete, të vlefshme.

Ndërmarrja e trafikut rikujton se të drejtën e përdorimit të biletës, pa kufizim moshe, kanë të gjithë studentët e nivelit të rregullt të studimeve në fakultetet shtetërore në Shkup.

Vlefshmëria e biletës zgjatet çdo vit shkollor/kalendarik. Për studentët që regjistrohen për herë të parë në vitin e parë dhe përdorin të drejtën e biletës për transport falas, bileta është automatikisht e vlefshme për vitin e ardhshëm kalendarik.

Studentët e tjerë vazhdojnë vlefshmërinë e biletës me vërtetim për student të rregullt, jo më të vjetër se një muaj dhe të regjistruar në semestrin dimëror/veror. Vazhdimi i vlefshmërisë së biletës bëhet në qendrat e personalizimit të JSP.

Bileta vjetore studentore për përdorimin falas të transportit publik nuk vlen në tarifën e natës.

Burimi: MIA