Aksident i tmerrshëm në Bullgari: Autobusi rumun përplaset me makinë, 4 persona kanë humbur jetën
Në një aksident trafiku me një autobus rumun në Bullgari, katër persona humbën jetën dhe të paktën tetë u plagosën, njoftuan sot autoritetet lokale.
Autobusi që goditi një makinë të parkuar në anë të rrugës po kthehej në Rumani nga Stambolli. Pasi ka përplasur makinën, autobusi është përplasur me një pemë.
Aksidenti ka ndodhur në autostradën që lidh qytetet Veliko Tërnovo dhe Ruse, tha policia bullgare.
Tre persona kanë humbur jetën në vend, ndërsa njëri më pas i është nënshtruar plagëve të marra.
Në autobus ndodheshin 24 pasagjerë dhe dy drejtues, ndërsa të gjithë të plagosurit janë dërguar në spital. Ka nisur hetimi për zbardhjen e shkaqeve të përplasjes.