Dhoma e Tregtisë: Pa ndihmën shtetërore, kompanitë e mëdha do të mbyllen për shkak të shtrenjtësisë së energjisë elektrike
Dhoma e Tregtisë i ka lënë afat Qeverisë deri sot, kur është caktuar seanca e Këshillit Ekonomik, që të miratojë masa konkrete në ndihmë të kompanive, në të kundërtën do të nisin mbylljen e objekteve. Dhoma e Tregtisë paralajmëron se faturat e energjisë elektrike janë rritur me 6 herë dhe e kanë sjellë ekonominë në një situatë shumë të vështirë.
Procesi i largimit nga puna, reduktimi i prodhimit dhe mbyllja e objekteve tashmë ka filluar, por mund të përshkallëzohet në dy muajt e ardhshëm kur do të përfundojnë kontratat për furnizimin me energji elektrike për vitin e ardhshëm. Nga Oda Ekonomike theksojnë se të gjitha kompanitë nga rajoni dhe më gjerë marrin ndihmë nga shteti, ndërsa kompanitë maqedonase janë lënë të merren vetë.
Kryeministri Dimitar Kovaçevski thotë se e kupton gjendjen e vështirë në të cilën ndodhen kompanitë, por vendi ende nuk ka marrëveshje për furnizim me gaz nga Serbia, nuk ka detaje nëse vendi do të marrë energji elektrike nga Bullgaria dhe Turqia. Ndonëse ishin paralajmëruar për javën e kaluar, Qeveria ende është duke hartuar masat për t'i ndihmuar kompanitë dhe qytetarët për të kapërcyer krizën energjetike.