Stoltenberg: NATO dëshiron të rrisë në mënyrë drastike numrin e trupave të reagimit të shpejtë

Jens Stoltenberg
Jens Stoltenberg / Foto: EPA-EFE / KENZO TRIBOUILLARD / PISION

NATO po punon në plane për të rritur numrin e trupave për forcën e saj të reagimit të shpejtë në më shumë se 300.000, tha sot Sekretari i Përgjithshëm Jens Stoltenberg.

Detajet se si aleanca ushtarake dëshiron të forcojë të ashtuquajturën Forca e Reagimit të NATO-s (NRF), e cila aktualisht ka 40.000 trupa, do të diskutohen në një samit të liderëve të NATO-s në Madrid këtë javë.

Stoltenberg pret që liderët e NATO-s "ta konsiderojnë Rusinë kërcënimin më të rëndësishëm dhe më të drejtpërdrejtë të sigurisë" në samit.

“Ndryshimi i forcës së reagimit të shpejtë dhe përgjigjet e tjera ndaj kërcënimeve ruse është rishikimi më i madh i mbrojtjes sonë kolektive dhe parandalimit nga Lufta e Ftohtë”, tha Stoltenberg.

Video e ditës