Suedia ka përmbushur detyrimet e saj ndaj Turqisë, tha sot Sekretari i Përgjithshëm i NATO-s, Jens Stoltenberg, pas një takimi dy-orësh me presidentin turk Rexhep Tajip Erdogan.

Turqia ka bllokuar hyrjen e Suedisë në NATO për 13 muaj, duke e akuzuar atë për butësi ndaj aktivistëve kurdë që jetojnë në territorin e saj.

Stoltenberg shprehu shpresën se Turqia do të miratojë hyrjen e Suedisë në NATO përpara samitit të krerëve të shteteve të shteteve anëtare të aleancës më 11 dhe 12 qershor në Vilnius.

Kreu i NATO-s falënderoi Turqinë për përgjigjen ndaj kërkesës për dërgimin e përforcimeve në veri të Kosovës.

Ministria turke e Mbrojtjes tha dje se planifikon të dërgojë forcat e saj në Kosovë në përgjigje të kërkesës së NATO-s për t'u bashkuar me forcën paqeruajtëse të KFOR-it pas trazirave në veri të Kosovës.

Stoltenberg mori pjesë dje në inaugurimin e Erdoganit, i cili filloi mandatin e tij të tretë presidencial, i cili do të zgjasë pesë vjet.