Stoilkovski: Zaev është i gatshëm të qëndrojë në pushtet me çdo kusht
Zëdhënësi i VMRO-DPMNE-së, Naum Stoilkovski në konferencën e sotme për media, duke iu përgjigjur pyetjes së gazetarëve për koment për LSDM-në dhe Alternativën në Qeveri, tha se me sa duket Alternativa ka vendosur të bëhet korrigjuese e vlerave të shtrembëruara për shkak të vendimit për anëtarësim në Qeveri.
“E shfrytëzoj rastin edhe për të pyetur deri kur partitë politike në pushtet që nuk janë pjesë e LSDM/BDI dhe Alternativës do të jenë vëzhgues të verbër dhe të heshtur të të gjitha krimeve, padrejtësive dhe marrëveshjeve politike që janë në dëm të të gjithë qytetarëve në Maqedoni. “, pyeti Stoilkovski.
Stoilkovski u bëri thirrje partive të tjera politike që të reagojnë ndaj koalicionit të ri ndërmjet Alternativës dhe LSDM-së dhe kritikoi kryeministrin Zoran Zaev.
“Në anën tjetër, Zaev ka treguar se është i gatshëm të paguajë çdo çmim vetëm për të vazhduar me vjedhjet, tenderat dhe shpërbërjen e shtetit. Por sot LSDM po bëhet parti e shumë problemeve dhe sot Zaev më shumë se kurrë është peng i Ali Ahmetit dhe BDI-së”, tha Stoilkovski.