Në ditët e fundjavës, sidomos nesër pasdite dhe në mbrëmje, vendi do të jetë i paqëndrueshëm me reshje të rrëmbyeshme dhe bubullima. Lokalisht do të ketë stuhi me reshje të forta shiu, bubullima, erë të fortë (mbi 60 kilometra në orë) dhe breshër.

Siç informon HMRC, të dielën do të jetë më e paqëndrueshme në pjesët perëndimore të vendit, e më pas do të ketë një periudhë me mot kryesisht stabil dhe të ngrohtë me erë të dobët deri mesatare veriore.

Moti nesër në mëngjes do të jetë kryesisht me diell dhe i ngrohtë me vranësira të ulëta deri mesatare. Pasdite do të jetë e paqëndrueshme me reshje të rrëmbyeshme dhe bubullima. Lokalisht do të ketë stuhi me reshje të forta shiu, bubullima, erë të fortë (mbi 60 kilometra në orë) dhe breshër. Temperatura minimale do të jetë në intervalin prej 13 deri në 22, ndërsa maksimalja do të arrijë nga 33 deri në 40 gradë.

Në Shkup kryesisht me diell dhe shumë i ngrohtë, pasdite me vranësira të ulëta deri mesatare. Pasdite në pjesë të luginës do të jetë e paqëndrueshme me reshje të rrëmbyeshme, bubullima dhe stuhi afatshkurtër. Temperatura minimale do të zbresë deri në 16, ndërsa ajo maksimale do të arrijë në 37 gradë.