Administrata Tatimore e Serbisë nuk është vetëm vendi ku paguhen taksat, por edhe një lloj qendre tregtare, gjë që vërtetohet nga ankandet e vazhdueshme të mallrave të konfiskuara. Ankandet janë thuajse të përditshme dhe oferta duket të jetë gjithnjë e më e larmishme.

E ndërsa në të kaluarën në këto ankande shiteshin kryesisht makina të sekuestruara apo pyje, kullota, livadhe të kategorive të ndryshme, sot kjo ofertë është si një “tavolinë bufe” nga gjilpëra në lokomotivë, shkruan Politika rs. Nëse shikoni faqen e internetit të Administratës Tatimore do të habiteni se çfarë mund të shitet, në kushte të caktuara. Tashmë këtë të premte, fustanet do të shiten në ankand, çmimi i të cilëve varion nga 4.565 deri në 7.247 dinarë për copë, dhe vlera totale është rreth 156.224 dinarë.

Përveç kësaj, oferta përfshin parfume të lira, syze dielli me vlerë totale prej 1,5 milionë dinarë, tuta dhe veshje të tjera. Është interesante se tani në ankand mund të gjeni edhe ton të konservuar, i cili në dyqane kushton rreth 250 dinarë, ndërsa këtu shitet për 83,50 dinarë ose 165 dinarë varësisht nga afati. Ekziston edhe një ankand për një super vrasës mushkonjash si dhe këmisha për meshkuj. Sipas rregullores së ankandit të parë publik, pasuria e luajtshme që është objekt i shitjes nuk mund të shitet për më pak se 60 për qind të vlerës fillestare të përcaktuar.