Një konkurrent i CrossFit Games ka vdekur teksa garonte në një notim në liqenin e Teksasit.

CEO i CrossFit, Don Fowle, tha gjatë një konference për shtyp se ata janë "thellësisht të pikëlluar" nga vdekja e një prej atleteve të tyre në Marine Creek Lake në Fort Worth dhe po punojnë me autoritetet për të hetuar vdekjen.

Zyra e Ekzaminuesit Mjekësor të Qarkut Tarrant e identifikoi atletin si 28-vjeçarin Lazar Dukic nga Serbia.

Një zyrtar i zjarrfikësve në Fort Worth tha se ata u thirrën rreth orës 8 të mëngjesit dhe trupi i atletit u gjet rreth një orë më vonë.

Fowle tha se komuniteti CrossFit është si një familje.

"Ne po bëjmë gjithçka që është në fuqinë tonë gjatë kësaj kohe tragjike për të mbështetur familjen, për të mbështetur komunitetin tonë," tha Fowle.

Misioni i Lojërave CrossFit, të mbajtura për herë të parë në vitin 2007, është "të gjejë atletët më të fortë në botë", sipas faqes së internetit të CrossFit.

Thuhet se lojërat ndryshojnë çdo vit dhe shpesh detajet nuk publikohen përpara vetë ngjarjes.

Në biografinë e Dukiqit në uebsajt thuhet se ai ishte sportisti i tretë në këtë disiplinë në Serbi dhe atleti i 88-të në mbarë botën.