Takimi i parë i ekipeve të odave ekonomike të Serbisë dhe Kosovës për tejkalimin e barrierave administrative në bashkëpunimin ekonomik do të mbahet të enjten, më 30 mars, në Shkup, njoftoi Oda Ekonomike e Maqedonisë së Veriut (SKSM), transmeton N1 Info.

Ai takim, sipas njoftimit, “do të zhvillohet në dinamikën e vendosur” për të zgjidhur sa më shpejt të gjitha çështjet kontestuese që kanë të bëjnë me barrierat administrative që pengojnë bashkëpunimin ekonomik ndërmjet Serbisë dhe Kosovës. Në procesin e negociatave për tejkalimin e barrierave administrative në bashkëpunimin ekonomik ndërmjet Serbisë dhe Kosovës, do të ndërmjetësojnë këshilltarët e kryetarit të SKSM-së Branko Azeski: Elena Milevska Štrbevska dhe Jadranka Arizankovska.

SKSM në një deklaratë thekson se harmonizimi i çështjeve kontestuese në bashkëpunimin tregtar ndërmjet Serbisë dhe Kosovës është “një çështje jashtëzakonisht e rëndësishme ekonomike, por edhe politike, pasi mund të çojë në normalizimin e marrëdhënieve ndërmjet këtyre dy vendeve, si një hap i ri përpara në marrëdhëniet që kanë qenë të tensionuara prej dekadash”.