Takimi mes Grubit dhe Girit për procesin e integrimit të vendit në BE
Nënkryetari i Parë i Qeverisë dhe Ministri i Sistemit Politik dhe Marrëdhënieve Ndërkomunitetesh Artan Grubi ka zhvilluar një takim me ambasadorin evropian, David Geer. Në këtë takim u diskutua për procesin e integrimit të vendit në BE pas hapjes së negociatave për anëtarësim, si dhe nevojën urgjente për inicimin e ndryshimeve kushtetuese dhe përfundimin me sukses të tyre si e vetmja rrugë për mbajtjen e konferencës së dytë ndërqeveritare, zyra e Zëvendëskryeministri Grubi ka bërë të ditur...
Nga aty thonë se Grubi e ka njoftuar ambasadorin Gir se partnerët e koalicionit tashmë kanë nisur përgatitjet për ndryshimet kushtetuese dhe janë të vendosur të krijojnë një Aleancë për Evropën me të gjitha forcat progresive në vend.
Sipas njoftimit, në takim u shkëmbyen mendime për sfidat me të cilat do të përballet vendi në procesin integrues në BE, veçanërisht reformat dhe sundimi i ligjit, lufta kundër korrupsionit dhe krimit të organizuar, si dhe për pritshmëritë, por edhe për përfitimet konkrete që do të kenë qytetarët me anëtarësim të plotë në Bashkimin Evropian