Serbia të njohë Kosovën, asgjë nuk do të ndryshojë qëndrimin tonë, tha Rama nga Nju Jorku
Kryeministri shqiptar Edi Rama pasditen e sotme ka publikuar një pjesë të fjalimit të mbajtur dje në Asamblenë e Përgjithshme të Kombeve të Bashkuara, ku fokusohet në çështjen e dialogut Kosovë-Serbi dhe marrëdhëniet mes tyre.
Në fjalën e tij Rama tha se “asgjë nuk e ndryshon qëndrimin e Shqipërisë se Serbia duhet të njohë Kosovën dhe është koha për të kapërcyer ngërçin në dialog me guxim, nga të dyja palët, për të arritur një marrëveshje vendimtare të mbështetur nga BE dhe SHBA”.
Rama tha se “mesazhi më i mirë i Ballkanit të Hapur, të cilin dua ta ndaj me ju sot, është se nuk është e nevojshme të bini dakord për gjithçka për të lënë pas të kaluarën e errët dhe për të ndërtuar hap pas hapi një të ardhme ndryshe. duke i trajtuar keqkuptimet në mënyrë gjithnjë e më dashamirëse dhe duke gjetur gjithnjë e më shumë arsye, ato të mirat, për të zgjidhur keqkuptimet”.
-Duke forcuar marrëdhëniet me Serbinë dhe duke ecur përpara në avancimin e bashkëpunimit dypalësh dhe rajonal, Shqipëria nuk ka lëvizur dhe nuk do të lëvizë asnjë milimetër nga qëndrimi i saj i palëkundur për të mbështetur nevojën e çdo vendi, edhe mes jush që nuk e keni bërë këtë, përfshirë Serbinë. të njohë Republikën e Kosovës, tha Rama.
Ai sugjeroi se është koha që Kosova dhe Serbia të kapërcejnë "ngërçin aktual në dialogun e tyre dhe të punojnë me guxim drejt një marrëveshjeje gjithëpërfshirëse të paqes, duke luajtur rolet e tyre përkatëse për të miratuar një marrëveshje të mbështetur nga BE-ja dhe Shtetet e Bashkuara të Amerikës".