Ministri i Brendshëm Oliver Spasovski njoftoi se policët që të shtunën ruanin varrin e Goce Dellçevit dhe rrethinën e kishës së Shën Spasit në Shkup, do të shpërblehen me 10 për qind bonus në pagën e tyre për punën e kryer.

“Të gjithë policët që të shtunën u kujdesën për festimin denjësisht të 151 vjetorit të lindjes së të madhit Goce Dellçev, do të shpërblehen me kompensim për performancën e punës në shumë prej 10 për qind të komponentit bazë të pagës së punonjësit. për të cilat mjetet janë paraparë në Buxhetin e MPB-së”, ka bërë të ditur ministri në Facebook.

- Si ministër i Brendshëm e kam shfrytëzuar të drejtën që më ka dhënë Marrëveshja Kolektive e MPB-së (neni 160, 161 dhe 162) dhe në seancën e sotme i kam propozuar Qeverisë, e cila ka miratuar Konkluzionin për pagesën. 10 për qind bonus në performancë të pjesëtarëve të policisë maqedonase të cilët ishin angazhuar në terren më 4 shkurt, ka shkruar Spasovski.