Këshilli i Komunës së Dellçevës ka caktuar seancë të jashtëzakonshme për shkak të dëmeve të mëdha të shkaktuara nga stuhia.
Këshilli i Komunës së Dellçevës ka caktuar seancë të jashtëzakonshme për shkak të dëmeve të mëdha të shkaktuara nga stuhia që dje e goditi Dellçevën. Siç informoi kryetari i Këshillit, Goce Popov, në seancë do të propozohet vendim për shpalljen e fatkeqësisë elementare nga vërshimet në Dellçevë.
Në seancat do të vendoset për formimin e komisionit për vlerësimin e dëmeve, si dhe do të shpallet thirrje publike për informimin e qytetarëve për procedurën e raportimit të dëmeve.
Gjithashtu nga mëngjesin e sotëm kanë vazhduar aktivitetet për riparimin e dëmeve të ndërtesave të përmbytura. Ekipet e Ndërmarrjes Komunale po punojnë intensivisht për pastrimin e papastërtive në rrugë, ndërsa për momentin në terren ndodhen edhe ekipe ekspertësh që po inspektojnë rrugët e dëmtuara në disa rrugë, për të marrë masa për riparimin e menjëhershëm të dëmeve.
Numri i telefonit 193 është dhe mbetet i hapur për raportim të problemeve për intervenime nga TPPE Dellçevë.
Kryetari i Komunës së Dellçevës, Goran Trajkovski, është në koordinim të vazhdueshëm me të gjitha institucionet kompetente dhe falënderoi për mbështetjen dhe ndihmën në pajisje të ardhura nga disa komuna dhe theksoi se po merren të gjitha masat për kthimin e qytetit në normalitet dhe riparimin e dëmeve. .