Sofje: Katër të arrestuarit për sulmin terrorist në Stamboll mbeten në paraburgim

Foto: EPA / EFE

Gjykata e Apelit në Sofje vendosi të dënojë katër të arrestuarit në Bullgari me paraburgim të përhershëm për bashkëpunim në sulmin në Stamboll më 13 nëntor, njoftoi Nova TV. Siç njofton korrespondenti i MIA-s nga Sofja, seanca gjyqësore është mbajtur me dyer të mbyllura, për shkak të hetimeve të disa shërbimeve speciale, të cilat përmbajnë informacione konfidenciale.

Katër të arrestuarit në Sofje janë siriani Amran Abdulrami, Petar Topal, i cili ka dy shtetësi – bullgare dhe moldave, si dhe shtetasit moldavë Ivan Kalak dhe Leonid Aksakal. Përveç mbështetjes së aktiviteteve terroriste, ata akuzohen edhe për tregti të paligjshme dhe kontrabandë me njerëz, komentoi më herët prokurori nga prokuroria e qytetit të Sofjes, Angel Kanev. Ai shpjegoi se kanë të dhëna nga agjencia shtetërore bullgare për sigurinë kombëtare dhe Ministria e Brendshme, si dhe nga shërbimet speciale të huaja. Në kërkesën për ndalim, prokuroria turke ka paraqitur të dhëna nga shërbimi i tyre inteligjent MIT. Sipas tyre, siriani Amran Abdulrami, i akuzuar për sulmin në Stamboll, Bilal Hasan dhe grupi i terroristëve synonin të kryenin më shumë sulme, si në Turqi ashtu edhe në një vend të Bashkimit Evropian, pa dhënë më shumë detaje.

Video e ditës