Për garazhin shumëkatësh para Kuvendit do të krijohet grup pune për gjetjen e zgjidhjeve të përhershme dhe strategjike, njoftoi sot Kuvendi.

Në njoftimin e shërbimit, thuhet se në Kuvend është zhvilluar një takim me përfaqësues të institucioneve shtetërore lidhur me garazhin shumëkatësh.

“Sot për herë të parë në Kuvend u zhvillua një takim mes përfaqësuesve të institucioneve shtetërore ku u diskutua për garazhin shumëkatësh para Kuvendit. Edhe pse Kuvendi nuk ka kompetenca të drejtpërdrejta në procesin e ndërtimit, ka marrë iniciativën në udhëheqjen e diskutimeve për zgjidhjen e kësaj çështjeje”, thuhet në njoftim.

Në takimin e sotëm morën pjesë përfaqësues nga Kuvendi, Qeveria, Komuna Qendër, Avokati i Popullit, Byroja për Siguri Publike (BSP), ANGO SH.PK dhe Ministria e Transportit.

- Të gjitha palët arritën një marrëveshje për krijimin e një grupi pune, me qëllim të gjetjes së një zgjidhjeje të përhershme dhe strategjike. Qëllimi i këtij takimi ishte komunikimi dhe sigurimi i të gjitha informacioneve dhe situatave, me synim gjetjen e një zgjidhjeje të përhershme e cila do të jetë e dobishme si për publikun ashtu edhe për Kuvendin. Kjo çështje është e një rëndësie të madhe për Kuvendin dhe ne jemi të përkushtuar që të sigurojmë një zgjidhje efikase, thuhet në njoftim.