Presidenti turk Rexhep Tajip Erdogan tha se dërgimi i tankeve në Ukrainë nuk do të sjellë zgjidhje për konfliktin.

“Nuk mund të them se besoj se dërgimi i tankeve është një hap drejt zgjidhjes së krizës ukrainase”, tha Erdogan për televizionin turk TRT.

Ai tregoi se pret që vendet perëndimore të mbështesin thirrjet e Ankarasë për negociata mes Rusisë dhe Ukrainës, raporton TASH.

Erdoğan vlerësoi se armatosja e Ukrainës është një "hap i rrezikshëm" që u sjell fitim tregtarëve të armëve.

Javën e kaluar, SHBA u zotua të dërgonte 31 tanke M1 Abrams në Ukrainë, ndërsa Gjermania konfirmoi se do të transferonte 14 tanke Leopard 2 në vend.

Norvegjia, Sllovakia, Britania e Madhe, Polonia dhe Franca janë zotuar gjithashtu të ofrojnë tanke të prodhimit perëndimor për Ukrainën.

Kievi pret që në raundin e parë të marrë deri në 140 tanke nga 12 vende.