Dënim me vdekje për 10, burgim të përjetshëm për 50 persona në Egjipt
Gjykata në Egjipt dënoi 10 persona me vdekje dhe më shumë se 50 me burgim të përjetshëm me akuzën e mbështetjen ose kryerjen e sulmeve ndaj forcave të sigurisë dhe sabotimin e infrastrukturës shtetërore.
Mediat britanike raportojnë se Prokuroria egjiptiane i lidhi sulmet në Kajro midis 2013 dhe 2015 me lëvizjen. Vëllazëria Myslimane, e cila tashmë është e ndaluar në vend.
Gjykata i dërgoi një kërkesë autoritetit suprem egjiptian, Kryemyftiu, të miratojë ekzekutimin në janar.
Amnesty International tha se gjyqi masiv, i cili përfshinte më shumë se 200 të pandehur, ishte "jashtëzakonisht i padrejtë" dhe bëri thirrje për heqjen e dënimeve.
Vëllazëria Myslimane ka fituar disa zgjedhje në Egjipt, duke përfshirë ato kur kandidati i tyre Mohamed Morsi fitoi zgjedhjet presidenciale. Një vit më vonë, pas demonstratave masive, ai u rrëzua në një grusht shteti ushtarak dhe u vendos në arrest shtëpiak.
Lëvizja më vonë u ndalua në Egjipt dhe u shpall një organizatë terroriste.