Komunat e Shkupit në seancat e jashtëzakonshme që do të mbahen këtë javë do të marrin vendime për dhënien e ndihmës financiare për popullatën e prekur nga tërmeti katastrofik në Turqi dhe Siri. Komuniteti i njësive të vetëqeverisjes lokale apeloi deri te kryetarët e të gjitha komunave në vend, secili në kuadër të mundësive të veta që të ndajnë mjete për të ndihmuar qytetarët e këtyre dy vendeve.

Kryetarja Danela Arsovska njofton se në seancën e radhës i ka dërguar kërkesë Këshillit të Qytetit të Shkupit që këshilltarët të vendosin për ndihma humanitare për viktimat e tërmetit. Grupi këshillues i VMRO-DPMNE-së dhe koalicionit kanë njoftuar se do të iniciojnë iniciativë për thirrjen e seancës së jashtëzakonshme për dhënien e ndihmës së njëhershme për Turqinë dhe Sirinë. Megjithatë, nuk ka informacione se kur do të mbahet kjo seancë.

Komuna e Aeroportit nesër do të mbajë seancë të jashtëzakonshme, ndërsa Komuna Qendër të enjten. Nga Gazi Baba dhe Gjorçe Petrov njoftuan se kjo do të ndodhë gjatë kësaj jave.

Kryetari i Komunës së Kisella Vodës, Orce Gjorgjievski, ka dorëzuar iniciativë në Këshill për dhënien e ndihmës financiare prej 500.000 denarë për popullatën e zonave të shkatërruara.

Në disa raste në të kaluarën, Republika e Maqedonisë ka pësuar humbje njerëzore dhe dëme të mëdha materiale nga fatkeqësitë natyrore dhe për këtë arsye jemi të vetëdijshëm dhe sinqerisht simpatizojmë tragjedinë nëpër të cilën po kalojnë këta qytetarë. Në momente të tilla të gjithë duhet të kujtojmë se fatkeqësitë natyrore nuk mund t'i luftojmë me një epilog tragjik, por mund t'i ndihmojmë me humanizëm dhe solidaritet këta njerëz, të cilët në një moment humbën ndoshta gjithçka që kishin - tha Gjorgjievski.

Ai informoi se Ambasadës së Republikës së Turqisë në Maqedoni i është ofruar mbështetje e një lloji tjetër, dhe siç tha ai do të informohen shtesë për nevojat specifike të familjeve të prekura nga tërmeti shkatërrues.