Nuredin Mustafa, komandant i zjarrfikësve të Qytetit të Shkupit, vdiq dhe ndër të parët që ndanë këtë lajm të trishtuar ishin kolegët e tij.

- Me shumë keqardhje dhe dhimbje sot Brigada e Zjarrfikësve të Qytetit të Shkupit humbi një profesionist, shok dhe koleg. Pusho në paqe, Nuredin Mustafa. Bëmat do të mbesin, ne nuk do të të harrojmë, thuhet në njoftimin e zjarrfikësve të Qytetit të Shkupit.

Babai i qytetit, Petre Shilegov, gjithashtu i tha lamtumirë Mustafës.

- Qyteti i Shkupit sot humbi një hero, mik dhe koleg. Jeta e zjarrfikësit të Shkupit Nuredin Mustafa përfundoi para kohe, i cili gjithmonë sakrifikohej pa rezervë dhe vetëmohim për të ndihmuar në shpëtimin e jetës. I respektuari Nuredin ishte gjithashtu pjesë e zjarrfikësve që Qyteti i Shkupit dërgoi për të ndihmuar Durrësin, Shqipërinë menjëherë pas tërmetit katastrofik. U prehtë në paqe, ngushëllime të thella dhe të sinqerta familjes, miqve dhe bashkëpunëtorëve të tij, shkroi Shilegov në faqen e tij në Facebook.